လူဟာ လူပါပဲ
သူရဦးရွှေမန်းနှင့် ဦးလှဝင်း(လေသူရဲတစ်ဦး)
ခေါင်းငုံ့ပြီး တော်လှန်ခြင်း
“အစ်ကိုကြီး၊ ထိုင်ပါခင်ဗျား”
ဗိုလ်ချိန်လမ်းရှိ ဦးရွှေမန်း၏ အိမ်တွင် ဖြစ်၏။
“ကိုဝင်းတင်ကတော့ ကိုရွှေမန်းကို အကုန်ပြောပြထားပြီးပြီ ထင်ပါတယ်”
“ဟုတ်ကဲ့… ပြောပြီးပါပြီခင်ဗျား၊ ကျွန်တော် အလွန်စိတ်ဝင်စားပါတယ်။ အစ်ကိုကြီး ထင်သလိုပါပဲ။ မြန်မာနိုင်ငံ သမိုင်းမှာ ဖြည့်စွက်ပေးသင့်တဲ့ ဟာကွက်တခုလို့ပဲ ကျွန်တော်လည်း ထင်ပါတယ်”
“ကိုရွှေမန်းက စစ်တက္ကသိုလ် အပတ်စဉ် (၁၁) နော်”
“ဟုတ်ပါတယ်”
“ကိုယ်က အပတ်စဉ် (၄) ကဆိုတော့… တို့နှစ်ယောက်က အသက် ၇ နှစ် ကွာတယ်။ ကိုယ်က ကိုရွှေမန်းထက်ကို ၇ နှစ် ကြီးတယ်။ အခု နိုဝင်ဘာလ ၁၈ ရက်နေ့ဆိုရင် ကိုယ့်အသက်က ၈၀ ပြည့်ပြီ။ ငယ်ငယ်တုန်းကတော့ ငါအသက် ၈၀ ပြည့်ပြီးတဲ့နောက်ပိုင်းမှာ
“ဟုတ်ကဲ့”
“အဲဒီတော့ ကိုယ် ပြန်စဉ်းစားတယ်။ ဟဲ့… အသက် ၈၀ ပြည့်ပြီးတဲ့နောက်မှာလည်း ငါ တော်ရုံနဲ့ သေဦးမှာ မဟုတ်ဘူး။ ငါ့အတွက် အကျိုးရှိတာ၊ ငါ့တိုင်းပြည် ငါ့လူမျိုးအတွက် အကျိုးရှိတာတွေကို ငါ လုပ်နိုင်တာတွေ လုပ်ဦးမှပဲ။ ငါ့ခန္ဓာကိုယ် မြေချတဲ့အထိ ငါ့ကိုယ်ငါ အဲ… ငါ့ပတ်ဝန်းကျင်အတွက် အကျိုးရှိတာတွေ လုပ်သွားဦး မယ်လို့ တွေးပြီး ဘာတွေ လုပ်သင့်တယ် ဆိုတာတွေ ကိုယ် စဉ်းစားတယ်။ အဲဒီအခါမှာ ဘာသတိရမိသလဲ ဆိုတော့ ကိုယ် အလွန်ကြိုးစားပြီး ရေးခဲ့တဲ့ ၁၉၈၈ ခုနှစ် ပြည်သူ့လှုပ်ရှားမှုကို ကျောရိုးထားပြီး ရေးထားတဲ့ ‘ရေစုန်နဲ့ရေဆန်’ သမိုင်းနောက်ခံ ဝတ္ထုရှည်ကြီးကိုပဲ ဆက်ရေးဖို့ပဲ။ ကိုယ့်ဘဝမှာ ကိုယ် စာရေးခဲ့တာ၊ ပုံနှိပ် ထုတ်ဝေခဲ့တာ စုစုပေါင်း စာအုပ်တွေက အုပ် ရာချီနေပြီ။ ကိုယ့်ရဲ့ နိုင်ငံရေးနောက်ခံ ဝတ္ထုတွေထဲမှာ ဒီ ‘ရေစုန်နှင့်ရေဆန်’ ကို ကိုယ် အကြိုက်ဆုံးပဲ။ အားအရဆုံးပဲ”
“ဟုတ်ကဲ့၊ ကျွန်တော်လည်း ဖတ်ဖူးပါတယ်”
“ဒီစာအုပ်က ၁၉၈၈ ခုနှစ် တော်လှန်ရေးကြီး ပြီးတဲ့အချိန်… အဲ… ဗိုလ်ချုပ်မှူးကြီးစောမောင်
၁၉၈၈ ခုနှစ်မှ ၂၀၁၀ ပြည့်နှစ်အတွင်း စစ်အစိုးရ မြန်မ,နိုင်ငံကို ဘယ်လို အုပ်ချုပ်ခဲ့သလဲ။ ဘာပြုပြင် ပြောင်းလဲမှုတွေ လုပ်ခဲ့လဲ။ စီးပွားရေး… နိုင်ငံရေး… လူမှုရေး… ပညာရေး… စစ်ရေး… အဲ… ဘက်ပေါင်းစုံ ကပေါ့ကွာ။ အပြောင်းအလဲတွေ၊ ပြောင်းလဲမှုတွေ ဘာတွေ လုပ်ခဲ့လဲ။ ဘာတွေ ဖြစ်ခဲ့လဲ။ ကောင်းကျိုးနဲ့ ဆိုးကျိုး ဘာတွေ ထွက်လာသလဲ။
ဒီနေ့ ဒီအပိုင်းတစ်ပိုင်းလုံးဟာ မြန်မာ့သမိုင်းမှာ လူထု အပြည့်အစုံ မမြင်နိုင်တဲ့ ဟာကွက်ကြီးတစ်ခု ဖြစ်နေ တယ်။ ကိုယ် ဒီအကြောင်းကို စာရေးချင်တယ်။ ဒီဟာကွက်ကို ဖြည့်ချင်တယ်။ ဒီခေတ်အကြောင်းကို ဘယ်သူ ပြောပြနိုင်လဲ။ ဘယ်သူ သိလဲ။ အဲဒီခေတ်ရဲ့ စစ်တပ်က ဗိုလ်ချုပ်ကြီးတွေပဲ အပြည့်အဝ သိနိုင်မယ်။ ကိုယ် လူရွေးလိုက်တယ်။ ကိုအေး(ဒုတိယဗိုလ်ချုပ်မှူး
ကိုယ် လုံးဝ တာဝန်တစ်ခုကို ရဲရဲယူမယ်။
ကိုယ် စာရေးလာတာ ၁၉၆၄ ခုနှစ်က စတာ။ နှစ်ပေါင်း ၅၅ နှစ် ရှိပြီ။ ဘယ်သူ့ကိုမှ ထိခိုက်နစ်နာအောင် မရေးဘူး။ ဘယ်သူနဲ့မှလည်း ပြဿနာမဖြစ်ဖူးဘူး။ ဥပမာ… လူတစ်ယောက် မှားတယ်ဆိုရင် မှားတယ်လို့ ဘယ်တော့မှ မရေးဘူး။ ကျွန်တော့်အမြင်နှင့် မတူ ဖြစ်နေတယ်လို့ ပါးနပ်လိမ္မာစွာ ရေးခဲ့တယ်။
ဒါကြောင့် ခု တို့ ရေးကြမယ့် ဝတ္ထုဟန် သမိုင်းမှတ်တမ်းရှည်ကြီးဟာ နောင်မျိုးဆက်သစ် သမိုင်းဆရာလေး တွေကို ကိုးကားဖို့ ပြုစုကြတဲ့ မှတ်တမ်း။ ပြည်သူ့အကျိုးအတွက် ရေးကြမှာ။ ဘယ်သူ့ကိုမှ မထိခိုက် မနစ်နာစေရဘူး။
လူတိုင်း ဘဝမှာ အမှားနဲ့မှ မကင်းဘဲ။
မှန်တာ ရှိမယ်။ မှားတာ ရှိမယ်။
ကိုယ့်ဘဝမှာဆိုရင် ကိုယ် လုပ်ခဲ့ဖူးတဲ့ အမှားတွေ အများကြီး။
လူပဲ။ အမှားနဲ့ ဘယ်ကင်းမလဲ။ ၁၉၈၈ မှ ၂၀၁၀ ပြည့်နှစ်… အဲ… ၂၂ နှစ် ဆိုတဲ့ မြန်မာ့သမိုင်းခရီးမှာ မှန်တာတွေ ရှိသလို မှားတာတွေလည်း ရှိသင့်သလောက် ရှိမှာပဲ။ ကိုယ်တို့ ဒီသမိုင်း အမှန်ကို လူထုကို အပြည့်အစုံ သိစေချင်တာက တာဝန်ရှိသူတွေကို အပြစ်တင်ဖို့ မဟုတ်ဘူး။ ဒီ အမှား အမှန်တွေကို လေ့လာပြီး နိုင်ငံသစ်ကို ထူထောင်တဲ့ဆီမှာ အကျိုးရှိအောင် အသုံးချဖို့…”
“ကဲ… ဟုတ်ပါပြီ။ အစ်ကိုကြီး ပြောချင်တာတွေ အကုန်လုံးကို ကျွန်တော် သဘောပေါက်ပါပြီ။ ကျွန်တော်လည်း ဒီနေ့ အသက် ၇၁ နှစ်ရှိနေပါပြီ။ အစ်ကိုကြီး ထင်သလို ၇ နှစ် ငယ်တာ မဟုတ်ဘူး။ ၉ နှစ် ငယ်ပါတယ်။ ၁၉၄၈ ခုနှစ်မှာ ကျွန်တော့်ကို မွေးတာ။ လူအိုပိုင်းကို ဝင်နေပါပြီ။ ဒါပေမဲ့ အစ်ကိုကြီးလိုပဲ၊ လုံးဝ ကျန်းကျန်းမာမာ ရှိနေသေးတယ်။ ကျွန်တော် အားသန်တာက နိုင်ငံအကျိုးရှိမယ့် ကိစ္စတွေကို လုပ်နိုင်သမျှ လုပ်ဦးမယ် ဆိုတဲ့စိတ်ပဲ။ ကိုယ့်ဘဝမှာ ကြုံတွေ့ခဲ့ပြီးဖြစ်တဲ့ အဆိုး အကောင်း သင်ခန်းစာ အားလုံးကို အမြဲ ပြန်သတိရပြီး တိုင်းပြည်အကျိုးအတွက် ပြန်အသုံးချချင်တယ်။ သေတဲ့အထိ ကြိုးစားဦးမယ်လို့လည်း ဆုံးဖြတ်ထားတယ်”
“ဟာ… လုပ်ပေါ့ကွာ။ ဒီအပိုင်းက ကိုရွှေမန်းက ကိုယ့်ထက် အများကြီးသိ၊ အများကြီး နားလည်၊ အများကြီး ဆောင်ရွက်နိုင်တဲ့အပိုင်း။ ကိုယ် တောင်းပန်ချင်တာက ပထမဆုံး မြန်မာသမိုင်းမှာ ဟာကွက်ဖြစ်နေတဲ့ အမျိုးမျိုး ထင်သလို ပြောဆိုနေကြတဲ့ ၁၉၈၉ က ၂၀၁၀ အတွင်း ကိုရွှေမန်း ထိတွေ့မှုရှိခဲ့ဖူးတာတွေကို
“ပြောပြရမှာတော့ အများကြီးပါပဲ။ ဘယ်က စပြောရမှာလဲ အစ်ကိုကြီး”
“ကိုရွှေမန်း လွှတ်တော်ဥက္ကဋ္ဌကြီးဘဝမှာ ကြုံတွေ့ခဲ့ရတဲ့… လူထု စိတ်ဝင်စားခဲ့တဲ့… ‘သန်းခေါင်ယံ အာဏာသိမ်းပွဲ’ အကြောင်းကို စပြော”
“ဟာ…”
ဆက်လက်ဖော်ပြပါဦးမည်။
သူရဦးရွှေမန်း
ဦးလှဝင်း(လေသူရဲတစ်ဦး)
၁၂-၁၁-၂၀၁၉
(၂၇.၁.၂၀၂၀ တနင်္လာနေ့ထုတ် စံတော်ချိန်သတင်းစာ)
