fbpx

ပြည်ထောင်စုကောင်းကျိုးဆောင် ပါတီ (UBP)

Union Betterment Party

Follow Us : 

မြိတ်မြို့မြို့နယ်အတွင်းတွင် ပါတီက နှာခေါင်းစည်းနှင့် PPE များလှူဒါန်း

0

မြိတ် ဧပြီ ၁၁

ကိုရိုနာဗိုင်းရပ်စ်ရောဂါ ကုသရေး၊ တိုက်ဖျက်ရေးနှင့် ထိန်းချုပ်ရေးလုပ်ငန်းများကို ရှေ့တန်းမှ သက်စွန့်ဆံဖျား အပင်အပန်းခံ ကြိုးပမ်းနေကြသည့် ဆရာဝန်များ၊ သူနာပြုများနှင့် ကျန်းမာရေးဝန်ထမ်းများ အသုံးပြုနိုင်ရန်အတွက် နှာခေါင်းစည်း (Face Mask) များနှင့် ရောဂါကာကွယ်ရေးဝတ်စုံဖြစ်သည့် PPE (Personal Protective Equipment) များကို တိုင်းဒေသကြီးနှင့် ပြည်နယ်များရှိ ပြည်သူ့ဆေးရုံများ၊ မြို့နယ်ဆေးရုံများနှင့် တိုက်နယ်ဆေးရုံများသို့ ပြည်ထောင်စုကောင်းကျိုးဆောင်ပါတီက ဖြန့်ချီလှူဒါန်းလျှက်ရှိသည်။

ထိုသို့လှူဒါန်းမှုအစီအစဉ်၏ နဝမမြောက်နေ့အဖြစ် ယနေ့  ၂၀၂၀ ပြည့်နှစ်၊ ဧပြီလ ၁၁ ရက်နေ့တွင် တနင်္သာရီတိုင်းဒေသကြီး၊ မြိတ်မြို့နယ်အတွင်းရှိ မြိတ်မြို့ပြည်သူ့ဆေးရုံ၊ သမုတ်စံပြကျေးရွာတိုက်နယ်ဆေးရုံနှင့် ကိုရိုနာဗိုင်းရပ်စ်ရောဂါ ထိန်းချုပ်ရေး ဆောင်ရွက်နေကြသည့် ဌာနဆိုင်ရာများ အသုံးပြုရန်အတွက် နာခေါင်းစည်း (Face Mask) နှင့် PPE များကို ပါတီမှတာဝန်ရှိသူများက သွားရောက်လှူဒါန်းကြသည်။

ထိုသို့လှူဒါန်းရာတွင် ဆေးရုံများမှ တာဝန်ရှိ ဆရာဝန်များ၊ ဆရာမများ၊ သူနာပြုများနှင့် ကျန်းမာရေးဝန်ထမ်းများက ဝမ်းမြောက်ဝမ်းသာ လက်ခံရယူကြကြောင်း သတင်းရရှိသည်။

Share.

About Author

Comments are closed.